عمران خان آج نیب میں پیش ہوں گے، 5 مقدمات میں پولیس طلبی

نیب نے 19 کروڑ پاونڈ کے سکینڈل میں چیئرمین پی ٹی آئی عمران خان کو آج طلب کیا ہے۔
عمران خان کو بطور ملزم آج نیب دفتر پیشی کی ہدایت کی گئی ہیں۔ چیئرمین پی ٹی آئی کو القادر ٹرسٹ سے متعلق دستاویزات ہمراہ لانے کی ہدایت کی گئی ہے۔
وفاقی پولیس نے بھی عمران خان کو 5 مقدمات میں آج طلب کر رکھا ہے،سابق وزیراعظم کو طلبی کے باقاعدہ نوٹس جاری کئے گئے ہیں۔
عمران خن کو تھانہ ترنول میں درج دو مقدمات میں طلب کیا گیا ہے جبکہ تھانہ کراچی کمپنی میں دو اور تھانہ کوہسار میں درج ایک مقدمہ میں بھی طلب کیا گیا ہے۔
نوٹس میں کہا گیا ہے کہ ’آپ کو پہلے بھی چار مرتبہ بذریعہ نوٹس طلب کیا گیا لیکن حاضر نہیں ہوئے۔ شامل تفتیش ہو کر اپنا مؤقف پیش کریں اور مقدمے سے متعلق شواہد بھی فراہم کریں۔‘