عمران خان سے اہل خانہ کی جیل میں ملاقات، صحت اور قانونی معاملات پر بات چیت

عمران خان سے اڈیالہ جیل میں فیملی کی ملاقات،سابق وزیر اعظم کی صحت سے متعلق معاملات سمیت زیر سماعت مقدمات کے قانونی دفاع اور سائفر کیس میں عائد فرد جرم کے حوالے سے گفتگو کی گئی۔

سابق وزیر اعظم کی فیملی ملاقات کے لئے دوپہر ساڑھے 12 بجے اڈیالہ جیل پہنچی،قانونی طریقہ کار مکمل ہونے پر چیئرمین پی ٹی ائی سے فیملی کی ملاقات کانفرنس روم میں کروائی گئی۔

ملاقات میں چیئرمین پی ٹی آئی کی اہلیہ بشری بی بی،بہنیں علمیہ خانم اور ڈاکٹر عظمی سمیت قریبی عزیز نورین خانم شامل تھیں۔

ملاقات میں چیئرمین پی ٹی آئی کی صحت کو درپیش مسائل،ایکسائز مشین کی فراہمی،زیر سماعت مقدمات کے قانونی دفاع سمیت سائفر کیس میں فرد جرم عائد ہونے کے بعد کی صورتحال پر بات چیت کی گئی۔

چیئرمین پی ٹی آئی کی فیملی سے ملاقات ایک گھنٹہ 20منٹ تک جاری رہی،دوپہر ایک بجکر 55 منٹ پر ملاقات ختم ہونے پر سابق وزیر اعظم کہ فیملی اڈیالہ جیل کی گیٹ 5 کے راستہ واپس روانہ ہو گئی۔