بحریہ ٹاؤن کراچی میں ڈاکوؤں نے گھر سے 35 لاکھ کیش، زیورات اور پرائز بانڈ لوٹ لیے

بحریہ ٹاون کراچی میں گھر کے اندر ڈکیتی کی واردات میں ملزم لاکھوں روپے کے طلائی زیورات ،35لاکھ روپے کیش لوٹ کر فرار ہوگئے،گولڈ ، کیش ، پرائز بونڈز کی مالیت ایک کروڑ کے لگ بھگ تھی،ملزمان جاتے جاتے گھر میں موجود اسلحہ بھی اپنے ساتھ لے گئے۔

رات 2بجے ڈکیت گھر میں داخل ہوئے،6ماہ کے بچے کو گن پوائنٹ پر رکھا۔ ملزمان صبح4بجے تک سکون سے واردات کرتے رہے۔

بحریہ ٹاون میں پریسنٹ نمبر4میں گھر کے اندر ڈکیتی کی واردات ہوئی،واقعہ کی اطلاع پولیس کو کردی گئی ہے اور پولیس کا کہنا ہے کہ واردات کی اطلاع ملی ہے جائے وقوعہ پر کرائم سین یونٹ کو طلب کیا گیا ہے۔

پولیس کا کہنا ہے کہ واقعے کی تمام پہلوؤں سے تحقیقات جاری ہے، سی سی ٹی وی کیمروں کا بھی جائزہ لے رہے ہیں۔