عام انتخابات کی تیاری، مسلم لیگ ن نے پارٹی امیدواروں کے انٹرویوز شروع کر دیئے

پاکستان مسلم لیگ (ن) نے پارٹی ٹکٹوں کی تقسیم کے لیے امیدواروں کے انٹرویوز شروع کر دیئے۔

راولپنڈی ڈویژن کی کوآرڈینیشن کمیٹی کا اجلاس ڈویژنل کوآرڈینیٹر سینیٹر پرویز رشید کی صدارت میں اجلاس رکن کمیٹی طاہرہ اورنگزیب کی رہائش گاہ پرجاری ہے۔میٹروپولیٹن اور کینٹ کے علاقوں سمیت ضلع راولپنڈی کی پانچ تحصیلوں سے پارٹی ٹکٹ کی درخواست دینے والوں کے انٹرویوز آج ہوں گے۔

اجلاس میں ‏مسلم لیگ (ن) راولپنڈی ڈویژن کے صدر ملک ابرار، عطاء اللہ تارڑ اور حنیف عباسی بھی شریک ہیں۔

‏گزشتہ روز کمیٹی نے ضلع اٹک سے امیدواروں کے قومی اور صوبائی اسمبلیوں کی نشستوں کے سلسلے میں انٹرویو کئے تھے۔

‏ کوآرڈینیشن کمیٹی اپنی تجاویز پاکستان مسلم لیگ (ن) کے مرکزی پارلیمانی بورڈ کو پیش کرے گی۔