مشرق وسطیٰ کی صورتحال کے پیش نظر پاک بحریہ کا جہاز پی این ایس طغرل خلیج عدن میں تعینات

مشرق وسطى کی بحری صورتحال کے پیش نظر پاک بحریہ کے جہاز پی این ایس  طغرل  کو خلیج عدن میں تعینات کردیا گیا۔

ترجمان پاک بحریہ کے مطابق خلیج عدن میں پاکستانی تجارتی جہازوں کو کشیدہ صورتحال سے درپیش خطرات سے بچانے کیلئے پاک بحریہ نے پی این ایس طغرل کو تعینات کردیا۔

پی این ایس طغرل کی تعیناتی کا مقصد پاکستانی تجارتی بحری جہازوں کی آمدورفت کی حفاظت کو یقینی بنانا ہے،پاکستانی جنگی بحری جہاز ریجنل میری ٹائم سیکیورٹی پٹرول پر باقاعدگی سے فرائض سر انجام دیتے ہیں۔

پاکستان نیوی سمندر میں امن وامان کے قیام کیلئے کمبائنڈ میری ٹائم فورسز کے تحت بھی کام کرتی ہے،پاک بحریہ خطے میں بحری امن و امان برقرار رکھنے کے حوالے سے اپنی قومی ذمہ داری سے بخوبی آگاہ ہے۔