آزاد امیدوار بلاول کو ووٹ دیں گے، مریم کے نام پر نواز لیگ میں اختلافات ہوں گے، منظور وسان کا ایک اور خواب

خوابوں کے بادشاہ منظور وسان نے نیا خواب دیکھ لیا،رہنما  پیپلز پارٹی منظور وسان نے کہا کہ تمام آزاد امیدوارآصف علی زرداری ا وربلاول بھٹو کو ووٹ دیں گے، نواز شریف وزیراعظم کے لئے مریم نواز کا نام دیں گے۔ مریم نواز کے نام پر ن لیگ  میں اختلافات ہو جائیں گے۔

کوٹ ڈیجی میں انتخابی جلسہ سے خطاب کرتے ہوئے پیپلز پارٹی کے سینیئررہنما منظور وسان نے کہا کہ میں نے خواب دیکھا ہے کے تمام آزاد امیدوارآصف علی زرداری ،بلاول بھٹو کو ووٹ دیں گے،نواز شریف وزیر اعظم کے لئے مریم نواز کا نام دیں گے، مریم نواز کے نام پر پارٹی میں اختلافات ہو جائیں گے۔

منظور وسان نے کہا کہ پیپلزپارٹی سندھ سے کلین سوئیپ کریگی،کوٹ ڈیجی،پنجاب اور بلوچستان سے بھی پیپلز پارٹی کافی سیٹیں لے گی،آزاد امیدوار ملا کر پیپلز پارٹی کو اکثریت ہوگی بلاول بھٹو ہی وزیر اعظم ہوگا۔