پاکستان
بین الاقوامی فضائی مشق برائٹ اسٹار 2023 پاک فضائیہ کی کامیاب شرکت کے بعد اختتام پذیر
![](https://urduchronicle.com/wp-content/uploads/2023/09/bright-star-exercise-1.jpg)
مصر کی محمد نجیب ملٹری بیس پر منعقدہ بحری، بری اور فضائی افواج پر مشتمل بین الاقوامی فضائی مشق برائٹ اسٹار 2023،جس میں پاک فضائیہ نے کامیابی سے شرکت کی، اختتام پزیر ہو گئی۔
دو ہفتوں پر محیط اس مشق میں کل 30 ممالک نے حصہ لیا جن میں پاکستان، امریکہ، برطانیہ، سعودی عرب، عمان، اردن، یونان اور قطر سمیت دیگر ممالک شریک ہوئے۔ مشق میں شامل پاک فضائیہ کے دستے اور اس کے جدید ترین جے ایف-17 تھنڈر لڑاکا طیاروں نے مثالی کارکردگی کا مظاہرہ کیا۔ اس کامیاب شرکت نے نہ صرف علاقائی اور بین الاقوامی تعاون کے پاک فضائیہ کے عزم کو تقویت بخشی بلکہ متنوع اور چیلنجنگ ماحول میں اسکی کارکردگی اور بھرپور صلاحیتوں کو بھی اجاگر کیا۔
سنہ 1977ء میں امریکہ اور مصر کے مابین دو طرفہ تربیتی پروگرام کے طور پر شروع ہونے والی برائٹ سٹار آج ایک قابل ذکر بین الاقوامی مشق کی حیثیت سے جانی جاتی ہے۔ اس مشق نے بین الاقوامی افواج کے مابین باہمی کاروائیوں کو بہتر بنا کر ان ممالک کے مابین علاقائی ہائبرڈ خطرات کا مقابلہ کرنے کے لیئے مشترکہ تربیت کو فروغ دیا ہے۔
پاک فضائیہ نے مشق کی اسٹریٹجک اہمیت کے پیش نظر اور علاقائی استحکام و بین الاقوامی تعاون کے اپنے عزم کی تائید کرتے ہوئے ان مشقوں میں سرگرمی سے حصہ لیا۔ ایئر و گراؤنڈ عملے پر مشتمل پاک فضائیہ کے دستے نے مشق کے دوران غیر معمولی صلاحیتوں کا مظاہرہ کرتے ہوئے فخر پاکستان جے ایف-17 تھنڈر طیارے کی صلاحیتوں کا لوہا منوایا۔
مشق کے دوران سخت تربیت اور حقیقت پر مبنی فضائی جنگ کے منظرناموں کے پیش نظر پاک فضائیہ نے اس فضائی مشق میں اپنی بھرپور آپریشنل تیاری اور عصر حاضر کے اسٹریٹجک چیلنجز سے نمٹنے کے اپنے عزم کا بھی اعادہ کیا۔ اس انتہائی اہم مشق میں پاک فضائیہ کی نمایاں شمولیت عالمی امن اور سلامتی کے حوالے سے اسکے پختہ عزم کا منہ بولتا ثبوت ہے۔
فضائی مشق برائٹ سٹار 2023 کے ذریعے پاک فضائیہ نے ایک بار پھر سے اپنی شاندار روایات کو برقرار رکھتے ہوئے عالمی برادری کے ساتھ مضبوط شراکت داری کو فروغ دینے کے اپنے عہد کی پاسبانی کی ہے۔ پاک فضائیہ عصرحاضر کے ابھرتے ہوئے چیلنجز سے نمٹنے کے لیے اپنی صلاحیتوں میں مزید نکھار لانے اور مستقبل کے سیکیورٹی خطرات کے پیش نظر اتحادی ممالک کی فضائی افواج کے ساتھ باہمی تعاون کے فروغ کے لیئے پرعزم ہے۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی