ایران کی تابان ایئر نے پاکستان سے پروازوں کا آغاز کر دیا

ایران کی ایک اورائیرلائن  تابان نے پاکستان کے لئے اپنے فلائٹ آپریشن کا آغاز کردیا،پہلی پرواز کراچی سے مشہد کے لیے 80 مسافروں کے ہمراہ روانہ ہوگئی۔

کراچی ائیرپورٹ پر ایران کی تابان ائیرکی افتتاحی فلائٹ کی تقریب ہوئی،گورنر سندھ کامران ٹیسوری اور ایرانی قونصل جنرل نے خصوصی شرکت کی۔

کراچی ائیرپورٹ پر افتتاحی تقریب  میں کیک بھی کاٹا گیا،تقریب میں سول ایوی ایشن اتھارٹی اور اے ایس ایف کے حکام موجود تھے، پہلی پرواز میں گورنر سندھ کے علاوہ 80 سے زائد مسافر روانہ ہوئے۔

تابان ائیر ابتدائی طور پر ہفتہ وار ایک پرواز چلائے گی جس میں مزید اضافہ کیا جائے گا،گورنر سندھ کامران ٹیسوری کا اس موقع پر کہنا تھا کہ تابان پاکستان اور ایران کی دوستی میں ایک نیا اضافہ ثابت ہوگا اور اس سے دونوں ملکوں کے تعلقات مذید مستحکم ہونگے۔