کراچی: سکول طالبہ کی نازیبا ویڈیو بنا کر بلیک میل کرنے والے 3 ملزم گرفتار

کراچی میں ملیر کے علاقے جعفر طیار سوسائٹی میں اسکول کی 14 سالہ طالبہ کی نازیبا ویڈیو بنانے اور زیادتی کی کوشش کرنے والے تین ملزم گرفتار کر لیے گئے۔

متاثرہ طالبہ نے پولیس کو بتایا کہ وہاج نامی نوجوان اسے اسکول کے سامنے سے بہلا پھسلا کر فرحان کے گھر لے گیا تو وہاں اسکے اور دوست بھی موجود تھے جنہوں نے اس کے ساتھ زیادتی کی کوشش کی ، شور کرنے اور رونے پر انہوں نے اس کی ویڈیو بنائی اور جانے دیا، آصف ، فرحان، تقی اور حسین نامی لڑکے اسکول آتے جاتے ویڈیو وائرل کرنے کی دھمکیاں دے کر بلیک میل کرتے ہیں۔

پولیس نے واقعہ کا مقدمہ درج کرکے کیس میں ملوث تین نوجوانوں کو گرفتار کرلیا ہے ، گرفتار نوجوانوں کے موبائل فون سے طالبہ کی نازیبا ویڈیو بھی برآمد ہوئی ہے، ملزمان سے مزید تفتیش کی جارہی ہے۔