کراچی: بلدیہ کے علاقے میں مبینہ پولیس مقابلہ، ایک ملزم ہلاک

کراچی میں بلدیہ کے علاقے میں اے وی ایل سی پولیس کا ملزمان کے ساتھ مبینہ مقابلہ ہوا ، فائرنگ سے ملزم کامران لنگڑا ہلاک ہوگیا جبکہ سعید آباد کے علاقے میں ڈکیٹی مزاحمت پر سرکاری ادارے کا اہلکار زخمی ہوگیا۔

پولیس کے مطابق اہلکار اپنے دوست کے ساتھ قبرستان میں فاتحہ کے لئے آیا تھا۔

اجمیر نگری کے قریب مبینہ پولیس مقابلے میں شاہین فورس کا اہلکار علی مرتضی زخمی ہوگیا،  بولٹن مارکیٹ کے قریب گودام سے گولی لگی لاش برآمد ہوئی ، پولیس کے مطابق کاسمیٹکس کے تاجر نے کاروباری نقصان پر خود کو گولی مارکر خودکشی کرلی۔

 لیاقت آباد میں بھی شہری نے خود کو گولی مارکر خودکشی کی کوشش کی جسے زخمی حالت میں اسپتال منتقل کردیا گیا۔