کراچی: ٹی وی اداکاری جویریہ نیئر کے ساتھ ڈکیتی کی واردات پولیس نے ناکام بنادی

کراچی میں ٹی وی اداکارہ کے ساتھ واردات کی کوشش پولیس نے ناکام بنا دی۔

ماڈل کالونی کے علاقے میں دو ڈاکو مشہور ٹی وی ڈرامے ” بے بی باجی ” میں گلشن آرا کا کردار نبھانے والی اداکارہ جویریہ نئیر سے موبائل فون ، نقدی اور دیگر قیمتی سامان اسلحے کے زور پر چھین کر فرار ہورہے تھے۔

ماڈل کالونی پولیس نے ڈکیتوں کا تعاقب کیا جس پر ڈاکوؤں نے پولیس پر فائرنگ کردی، پولیس کی جوابی فائرنگ سے شہزاد نامی ڈاکو زخمی ہوگیا، جسے گرفتار کرلیا گیا جبکہ اسکا دوسرا ساتھی فرار ہوگیا۔

پولیس نے گرفتار ڈاکو کے قبضے سے اسلحہ،چھینی گئی چار طلائی چوڑیاں،موبائل فون اور نقدی برآمد کرلی۔

زخمی ڈاکو کو طبی امداد کے لیے اسپتال منتقل کردیا گیا جبکہ فرار ہونے والے ڈاکو کی تلاش جاری ہے۔