کراچی: اورنگی ٹاؤن میں نجی سکول کے پرنسپل کی میٹرک کی طالبہ سے زیادتی کی مبینہ کوشش، مقدمہ درج، ملزم گرفتار

کراچی کے علاقے اورنگی ٹاؤن میں نجی اسکول کے پرنسپل نے میٹرک کی طالبہ سے مبینہ طور پر زیادتی کی کوشش کی، پولیس نے متاثرہ طالبہ کی بہن کی مدعیت میں مقدمہ درج کرکے پرنسپل کو گرفتار کرلیا۔

مقدمے کے متن کے مطابق اسکول پرنسپل طالبہ کو موبائل فون پر فحش پیغامات بھیجتا تھا ، یکم جون کو اپنے کمرے میں بلوا کر تشدد کیا اور امتحانات میں فیل کروانے کی دھمکیاں دیں۔

مقدمے کے متن کے مطابق پرنسپل کی جانب سے دست درازی اور زیادتی کی کوشش پر اس کے پیٹ کر لات مار کر کمرے سے فرار ہونے میں کامیاب ہوئی، بیان کے مطابق جیسے ہی کمرے میں داخل ہوئی پرنسپل نے سی سی ٹی وی کیمرے کا رخ چھت کی جانب کردیا، پرنسپل کی دھمکیوں سے خوفزدہ ہوکر فوری طور پر کسی کو کچھ نہیں بتایا۔

پولیس نے گرفتار پرنسپل سے مزید تفتیش شروع کردی ہے۔