کراچی: سندھ وائلڈ لائف کی ٹیم پر ایمپریس مارکیٹ کے دکانداروں کا لاٹھیوں سے حملہ

   نادرونایاب کی پرندوں کی کراچی کے علاقے صدرایمپریس مارکیٹ میں خریدوفرخت کی اطلاع پرکارروائی کے دوران سندھ وائلڈ لائف کی چھاپہ مارٹیم اورایمپریس مارکیٹ پرندہ مارکیٹ کے دکانداروں کے مابین جھڑپ ہوگئی۔

صدر،ایمپریس مارکیٹ کراچی کے گنجان آبادی والے علاقے میں واقع پرندہ مارکیٹ میں محکمہ جنگلی حیات سندھ کے اہلکاروں کی کارروائی کے دوران کشیدگی پیدا ہوئی۔

ترجمان سندھ وائلڈلائف کے مطابق ایمپریس مارکیٹ پرندہ مارکیٹ میں کچھ دکانداروں کے کارروائی پرمزاحمت کی، محکمہ جنگلی حیات کے اہل کاروں کو فرائض کی انجام دہی سے روکا گیا۔

محکمہ سندھ وائلڈ لائف کے ایڈمن ممتازسومروکے مطابق کچھ دکاندار لاٹھیوں کے ساتھ ٹیم پرحملہ آورہوئے،محکمہ جنگلی حیات کی ٹیم صدر،ایمپریس مارکیٹ میں ایک اطلاع پرکارروائی کے لیے گئی تھی، اطلاع ملی تھی کہ پرندہ مارکیٹ کی دکانوں میں نادرونایاب پرندوں کا کاروبارکیا جارہا ہے، یہ بھی اطلاعات تھیں کہ شکروں اوربازکی مختلف نسل کےپرندے دکانوں میں موجود ہیں، مزاحمت کے بعد اگلی کارروائی کے لیے حکمت عملی بنارہے ہیں۔