کراچی: میٹروول میں ڈکیتی مزاحمت پر دو افراد قتل، ڈاکو ایک کروڑ 26 لاکھ لوٹ کر فرار

کراچی کے علاقے میٹرووِل میں ڈکیتی مزاحمت پر 2افراد کو گولیاں مار دی گئیں۔ملزمان  فائرنگ کےبعد ایک کروڑ 26لاکھ روپے لوٹ کر فرار ہوگئے۔

جاں بحق دونوں افرادپولٹری کمپنی کے ملازم ہیں جو گاڑی میں ایک کروڑ 26 لاکھ روپے لیکر بینک جارہے تھے۔

پولیس کا کہنا ہے کہ جاں بحق شخص شیرعالم اکائونٹس کا کام کرتا تھا، جاں بحق دوسرا شخص آفس کا ملازم ہے۔

پولیس کا کہنا ہے کہ جاں بحق افراد رقم بینک میں جمع کروانے جارہے تھے، ملزمان رقم لوٹ کر فرار ہوئے ہیں۔

کراچی میں 4ماہ میں  ڈکیتی مزاحمت پر قتل ہونے والوں کی تعداد 57 ہوگئی۔ صرف رمضان المبارک میں ڈکیتی مزاحمت پر 18افراد کی جان لے لی گئی۔

وزیراعلیٰ سندھ مرادعلی شاہ نے واقعے کا نوٹس لے لیا، آئی جی سے رپورٹ طلب کرلی۔