خاور مانیکا نے عمران خان اور بشریٰ بی بی کے خلاف ناجائز تعلقات اور دوران عدت نکاح کا مقدمہ دائر کردیا

عمران خان اور بشریٰ بی بی کے عدت  کے دوران  نکاح کیس  میں اہم پیش رفت سامنے آئی ہے، بشریٰ بی بی کے سابق شوہر خاور مانیکا نے بشری بی بی اور عمران خان کے خلاف دوران عدت نکاح و ناجائز تعلقات کا کیس دائر کر دیا۔

خاور مانیکا  نے اسلام آباد کے سول جج قدرت کی عدالت میں پیش ہوکر  شکایت درج کرائی۔ درخواست سیکشن 494/34، B-496 ودیگر دفعات کے تحت دائر کی گئی

اپنے بیان میں خاور مانیکانے الزام لگایاکہ بشریٰ بی بی اور چیئر مین پی ٹی آئی کے درمیان شادی سے پہلے ناجائز تعلقات تھے۔تصدیق شدہ ناجائز تعلقات کی بناء پر بشریٰ بی بی کو طلاق دینے پر مجبور ہوا۔

خاور مانیکا نےعدالت میں دیئے گئے بیان میں مزید کہا کہ دونوں شادی سے پہلے ہی فرار ہوگئے تھے۔

عدالت نے تین گواہوں کو نوٹسز جاری کر دیے،گواہوں میں عون چوہدری، مفتی سعید، خاور مانیکا کا ملازم شامل ہیں۔

عدالت نے سماعت 28 نومبر تک ملتوی کر دی،ایک شہری محمد حنیف کی طرف سے دائر غیر شرعی نکاح کیس چند دن قبل واپس لیا گیا تھا،ٖیر متعلق ہونے کی بناء پر پہلے والی درخواست واپس ہوئی

خاور مانیکا کی جانب سے مدعی بننے پر غیر شرعی نکاح و مبینہ ناجائز تعلقات کا کیس اہمیت اختیار کر گیا۔