پاکستان
لاہور: سیشن کورٹ میں تہرے قتل کے ملزم میاں بیوی قتل، عدالتوں کی سکیورٹی کا پول کھل گیا
![](https://urduchronicle.com/wp-content/uploads/2023/07/MURDER-IN-SESSION-COURTS-1.jpg)
لاہور کی سیشن کورٹ میں پیشی پر آئے تہرے قتل کے ملزم میاں بیوی کو گولیاں مار کر قتل کر دیا گیا۔ حملہ آور فائرنگ کرتے ہوئے موقع سے فرار ہوگئے۔ مقتول امین پر اپنے ہی بھائی وکیل امانت اس کی بیوی اور بچی کے قتل کا مقدمہ درج تھا اور امین اپنے والد کے قتل کے مقدمے میں بھی جیل کاٹ چکا تھا۔
سیشن کورٹ میں سکیورٹی کا پول ایک بار پھر کھل گیا رواں سال کے دوران سیشن کورٹ میں ملزمان کے قتل کرنے کا یہ دوسرا واقعہ ہے، جبکہ لڑائی کے دوران زخمی ہونے کے بیس سے زائد واقعات ہو چکے ہیں۔
پولیس سیشن کورٹ کے گردونواح میں سکیورٹی فراہم کرنے میں بری طرح ناکام نظر آرہی ہے اس سے قبل وکلا اور ججز کی جانب سے سخت موقف پر سکیورٹی برانچ کی جانب سے سیشن کورٹ میں سکیورٹی کے سخت انتظامات کئے گئے کیونکہ تین مختلف واقعات میں سیشن کورٹ کے اندر فائرنگ کر کے ملزمان کو قتل کر دیا گیا تھا۔
آج ملزمان محمد امین اور اس کی بیوی صغراں بی بی تہرے قتل کے ایک مقدمہ میں پیشی پر سیشن کورٹ پہنچے۔ محمد امین پراپنے ہی بھائی ایڈووکیٹ امانت،بھابھی اور بھتیجی کے قتل کا مقدمہ درج تھا، دوران تفتیش امین کو بے گناہ مانا گیا۔ یہ مقدمہ محمد سلیم، جو کہ محمد امین کی بھابھی کا رشتہ دار بتایا جاتا ہے، نے درج کروایا تھا۔
اس سے قبل محمد امین اپنے والد کے قتل کے مقدمہ میں بھی جیل کاٹ چکا ہے اور گزشتہ سال امانت کے قتل سے دوماہ قبل رہا ہو کر جیل سے آیا تھا۔ امانت اور اس کی بیوی کو قتل کیس میں بے گناہ کئے جانے کے خلاف محمد سلیم نے امین اور اس کی بیوی کے خلاف استغاثہ دائر کیا تھا کہ نامزد ملزموں کو پولیس نے جان بوجھ کر اور پیسے لے کر مقدمہ میں بے گناہ کیا ہے۔
دونوں ملزم ایڈیشنل سیشن جج عبدالغفور کی عدالت میں پیشی کے فوری بعد سیشن کورٹ سے باہر نکلے تھے کہ پہلے سے گیٹ کے قریب موجود نامعلوم مسلح حملہ آوروں، جن کی تعداد دو بتائی جارہی ہے، نے گولیاں مار دیں اور فائرنگ کرتے ہوئے موقع سے فرار ہو گئے۔
گیٹ پر موجود پولیس اہلکار جو مسلح تھے انہوں نے ملزموں کو روکنے کی کوشش نہیں کی اور پولیس کی جانب سے ایک بھی گولی نہیں چلائی گئی۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی