لاہور پولیس نے عمران خان کو جناح ہاؤس حملہ کیس میں گرفتار کر لیا

بانی پی ٹی آئی عمران خان کو دہشت گردی کےسب سے بڑے مقدمے میں گرفتار کرلیاگیا، انویسٹی گیشن پولیس لاہور نے بانی پی ٹی آئی عمران خان کے جناح ہاؤس حملے کےمقدمے میں گرفتار کیا گیا۔
پولیس ذرائع کا کہنا ہے کہ بانی پی ٹی آئی سے ریاست مخالف اکسانے کی دفعات کےتحت تفتیش کی جائے گی،بانی پی ٹی آئی کی جناح ہاؤس حملے سمیت 9مئی کے12مقدمات میں گرفتاری ڈالی گئی ہے۔

پولیس ذرائع کے مطابق پولیس نے راولپنڈی کی عدالت سےبانی پی ٹی آئی کو لاہور منتقل کرنےکی استدعا کی، عدالت نے سکیورٹی خدشات کےباعث بانی پی ٹی آئی عمران خان کومنتقل کرنےکی اجازت نہیں دی۔

پولیس ذرائع کا کہنا ہے کہ پیر کو بانی پی ٹی آئی ویڈیولنک کےذریعے لاہورکی انسداددہشت گردی کی عدالت میں پیش ہونگے،جناح ہاؤس حملے سےمتعلق تفتیش کےلیے بانی پی ٹی آئی کے ریمانڈ کی استدعا کی جائےگی،بانی پی ٹی آئی کے خلاف مجموعی طور پر 16 مقدمات درج ہیں۔

پولیس ذرائع نے بتایا کہ 4 مقدمات میں بانی پی ٹی آئی نے ضمانت کروارکھی ہے۔