لاہور: نواب ٹاؤن میں پولیس مقابلہ، ایک اہلکار شہید، ایک زخمی، ایک ملزم مارا گیا

لاہور میں تھانہ نواب ٹاؤن کی حدود میں  پولیس مقابلے میں ایک اہلکار شہید اور ایلیٹ فورس کا جوان زخمی ہوگیا۔پولیس کی جوابی کارروائی میں ایک ملزم مارا گیا اور اس کا ساتھی زخمی حالت میں گرفتار کرلیاگیا۔

ہلاک ملزم کی شناخت فیصل کے نام سے ہوئی ہے،ایک ملزم موقع سے فرارہوگیا،فائرنگ سے اہلکارخلیل احمد شہید اور ایلیٹ کا جوان زخمی ہوا۔

پولیس کا کہنا ہے کہ  تھانہ صدر پاکپتن کی پولیس نے 395کے اشتہاری ملزمان کی گرفتاری کے لیے ریڈکیا،ملزمان نے پولیس پارٹی کو دیکھتے ہیں فائرنگ کردی،جس کے نتیجے میں ایک اہلکار شہید اور ایلیٹ کا جوان عبدالغفور زخمی ہوگیا۔

پولیس کی جوابی فائرنگ سے ایک ملزم فیصل ہلاک اور ایک زخمی حالت میں گرفتار کرلیا گیا،جبکہ ایک خطرناک ملزم یوسف موقع سے فرار ہوگیا،زخمی اہلکار کو طبی امداد کے لئے ہسپتال منتقل کر دیا گیا۔

پولیس کا کہنا ہے کہ ملزمان ریکارڈ یافتہ اور 395کے اشتہاری تھے،پولیس نے فرار ملزم کی گرفتاری کے لیے مختلف علاقوں میں چھاپے مار رہی ہے،ہلاک ملزم اور پکڑے گئے ملزم سے اسلحہ اور گولیاں برآمد ہوئی ہیں۔