6 ججز کا خط، وزیراعظم کی چیف جسٹس سے ایک گھنٹہ 20 منٹ طویل ملاقات

اسلام آباد ہائی کورٹ کے ججز کی جانب سے لکھے گئے خط کے معاملے پر وزیرِاعظم شہباز شریف سپریم کورٹ پہنچے جہاں انہوں نے چیف جسٹس پاکستان قاضی فائز عیسیٰ سے ملاقات کی۔

وزیرِ اعظم اور چیف جسٹس پاکستان کی ملاقات چیف جسٹس کے چیمبر میں ہوئی۔تقریباً ایک گھنٹہ بیس منٹ جاری رہی۔

اس ملاقات میں وفاقی وزیرِ قانون و انصاف، اعظم نذیر تارڑ، اٹارنی جنرل منصور عثمان اعوان اور سپریم کورٹ کے سینئر جج منصور علی شاہ بھی شریک تھے۔

ذرائع کے مطابق وزیرِ اعظم میاں شہباز شریف کی چیف جسٹس آف پاکستان قاضی فائز عیسیٰ سے ملاقات کے دوران اسلام آباد ہائی کورٹ کے 6 ججوں کی جانب سے سپریم جوڈیشل کونسل کو خفیہ ادارے کے اہلکاروں کی مبینہ مداخلت سے متعلق لکھے گئے خط کے حوالے سے پیدا شدہ صورتِ حال پر تفصیلی تبادلۂ خیال کیا گیا۔

اسلام آباد ہائی کورٹ کے ججز کے خط کا معاملہ۔

چیف جسٹس پاکستان نے سپریم کورٹ کا انتظامی فل کورٹ اجلاس 4 بجے طلب کر لیا ۔اجلاس میں ججز کے خط کا معاملہ زیر غور آئے گا۔

اجلاس میں چیف جسٹس پاکستان کی وزیراعظم سے ملاقات کے بارے آگاہ کریں گے۔