نادرا سنٹر کی قطار نہ انتظار، شناختی کارڈ کی تجدید سمیت کئی سہولیات ڈاکخانوں میں مہیا کردی گئیں

نادرا سینٹرز پر لمبی قطاروں سے بیزار کراچی کے شہریوں کے لیے اچھی خبر،بناء قطار و انتظار قومی شناختی کارڈز کی تجدید سمیت دیگرمتفرق سہولیات ڈاکخانوں میں دستیاب ہیں۔

کراچی کے صدراورآئی آئی چندریگرسمیت 10 جی پی اوزمیں شہریوں کوقومی شناختی کارڈز کے حوالےسے سہولیات فراہمی کے لئے کاونٹرزفعال ہیں۔

جی پی اوز میں نادرا سہولیات کی فراہمی کے لئے نادرا سسٹم سے منسلک  آلات نصب ہیں،پوسٹ آفس کاونٹرز پرشناختی کارڈزکی تجدید،ازدواجی حیثیت کی تبدیلی سے استفادے کی سہولت دستیاب ہے،گمشدہ شناختی کارڈز کےمتبادل کا اجرا بھی کاونٹرزپرموجود ہیں۔

شناختی کارڈز کی معیاد ختم ہونے کے ایک سال تک پوسٹ آفس سےتجدید کرائی جا سکتی ہے،نادراحکام کے مطابق پوسٹ آفس میں بلڈریلیشن کے بائیو میٹرک کی سہولت دستیاب نہیں ہے،فارم کو 16گریڈ افیسرسے تجدید لازمی ہے۔

گھر کے پتے کی تبدیلی،دستخط اورتصویرمیں ترمیم بھی کرائی جاسکتی ہے، پاکستان پوسٹ آفس پرایف آرسی اورب فارم اجراءکی سہولیات دستیاب نہیں ہیں،پاکستان پوسٹ آفس پرکاونٹرز قیام کا نادرا سے معاہدہ10 سال کے لئے ہے۔