میسی کا فری کک پر شاندار گول، انٹر میامی کو لیگ کپ کے کواٹر فائنل میں پہنچا دیا

لیونل میسی میجز سوکر لیگ میں چھائے ہوئے ہیں ، ہر میچ میں ان کی عمدہ پرفامنس کی بدولت ان کی ٹیم فتح یاب ہو جاتی ہے، ایف سی ڈلاس کیخلاف میسی کی عمدہ پرفامنس کی بدولت انٹر میامی لیگ کپ کے کواٹر فائنل میں جگہ بنانے میں کامیاب ہو گئی ہے۔

مقررہ وقت میں میچ 4-4 گول سے برابر رہا اور میچ کا فیصلہ پینلٹی شوٹ آؤٹ پر ہوا جس میں انٹر میامی کی ٹیم نے 5-3 سے فتح حاصل کی۔

LIONEL MESSI, OUT OF THIS WORLD 💫 @LeaguesCup @MLS pic.twitter.com/hA5G9nltNG

— 433 (@433) August 7, 2023

لیونل میسی نے میچ کے چھٹے منٹ میں گول اسکور کر کے اپنی ٹیم کو برتری دلائی لیکن ایف سی ڈلاس کی ٹیم نے انٹر میامی پر 3 گول اسکور کر لئے،اور 2 گول کی برتری حاصل کر لی، انٹر میامی نے کم بیک کیا اور مقابلہ 3-3 برابر کیا تاہم انٹر میامی کے کھلاڑی کے اون گول کی وجہ سے ایف سی ڈلاس کو ایک گول کی برتری حاصل ہو گئی۔

 میچ کے 85 ویں منٹ میں ارجنٹائن سٹار نے شاندار فری کک پر گول اسکور کر کے میچ برابر کر دیا جس کی وجہ سے میچ کا فیصلہ پینلٹی شوٹ آؤٹ پر ہوا۔

ایف سی ڈلاس کے کھلاڑی پینلٹی پر گول اسکور نہ کرسکے جس کی بدولت انٹر میامی کی ٹیم 3-5 سے فتح یاب ہو گئی۔