مشن ورلڈ کپ: بابر اعظم آج انضمام الحق اور ذکا اشرف سے ملاقات کریں گے

قومی سلیکشن کمیٹی کے سربراہ انضمام الحق اور کپتان بابر اعظم آج لاہور میں چیئر مین ذکاء اشرف سے

ملاقات کریں گے۔

اس دوران ورلڈ کپ کی ٹیم اور اس سے منسلک کئی فیصلوں کا امکان ہے۔ذرائع کے مطابق  پاکستان ٹیم کا اعلان بدھ یا جمعرات کو کیا جائے گااورپی سی بی میں چند انتظامی تبدیلیوں پر بھی غور کیا جارہا ہے۔

ورلڈ کپ کرکٹ ٹورنامنٹ سے قبل اہم کھلاڑیوں کے فٹنس مسائل اور خراب فارم کی وجہ سے انضمام الحق نے کپتان بابر اعظم کے ساتھ صلاح مشورے کئے اور کھلاڑیوں کی فٹنس رپورٹس کو بھی شیئر کیا گیا۔

خیال رہے کہ ٹیم میں زیادہ اکھاڑ پچھاڑ کا امکان نہیں ہے۔ اسپنر شارب خان کی خراب فارم کی وجہ سے ان کی نائب کپتانی خطرے میں ہے، انہیں ڈراپ اور اسپنر ابرار احمد کو شامل کرنے پر غور کیا جارہا ہے۔