مون سون بارشیں، ڈی ایچ اے کراچی میں اربن فلڈنگ سے بچاؤ کی مشق

مون سون بارشوں میں ڈی ایچ اے کراچی کوجمع ہونے والے پانی کے مسائل سے بچانے کے لیے ڈیفنس ہاوسنگ اتھارٹی نےفرضی مشقوں کا انعقاد کیا،مشقوں میں ہنگامی صورتحال سے نبردآزما ہونے کے لئے ریہرسل بھی کی گئی۔

موسمی بارشوں میں ڈی ایچ اے کراچی کو آبی مسائل اورتمام ترناگہانی صورتحال سے بچانے کے لیے مشق کا مظاہرہ کیا گیا۔

ڈی ایچ اے نےقبل ازوقت تیاریوں کے تسلسل میں مون سون رین مینیجمنٹ آرگنائزیشن بھی قائم کی ہے،ریپیئراینڈ ریکوری سینٹر،انفارمیشن سینٹرجبکہ ڈی واٹرنگ ٹیمیں بھی تیارکی گئی ہیں۔

ڈی ایچ اے نے خطیرسرمائے سےتعمیر کیے جانے والے منصوبےاسٹروم واٹرڈرینج کے فیزٹو کےتعمیراتی کاموں کا بھی آغازکردیا،اٹھائس کلومیٹر طویل ٹریک مارچ دوہزارچوبیس کومکمل ہوگا۔

ہنگامی صورتحال سےنمٹنے کے لیے ڈی ایچ اے کےمختلف مقامات پر 46 ڈی واٹرنگ پمپس بھی لگا دیئے گئے ہیں،جس سے ناگہانی صورتحال سےفوری نمٹنے میں مدد مل سکے گی۔

ڈی ایچ اے انتظامیہ کے مطابق اسکول اورکالجز میں چارریلیف کیمپس قائم کیے گئے ہیں،جو ڈی ایچ اے میں رہائش پذیرمکینوں کی مدد کرینگے،جوکہ ایمبولینسز،پیرامیڈیکس اورکھانے پینے کی سہولیات سے لیس ہیں،کسی بھی ہنگامی حالات سے نمٹنے کے لیے ڈی ایچ اے کے رہائشیوں کو بروقت مدد اورمعلومات کی فراہمی کے لیے ڈی ایچ اے اورسی بی سی کا عملہ تمام ریلیف کیمپس میں ہمہ وقت موجود رہےگا۔