سپریم کورٹ کے مزید ججوں کو دھمکی آمیز خطوط موصول

اعلی عدلیہ کے ججز کو دھمکی آمیز خطوط ملنے کا سلسلہ جاری ہے،سپریم کورٹ کے مزید ججز کو لکھے گئے خط بھی سامنے آگئے۔

ذرائع کے مطابق خط سی ٹی ڈی کے حوالے کر دئیے گئے۔تمام خطوط کو اکٹھا کر دیا گیا ۔

ذرائع کا کہنا ہے کہ سپریم کورٹ کے ججز کو خطوط پر بھی آرسینک پاؤڈر پایا گیا ہے۔ اب تک سپریم کورٹ کے دس10 ججز کو خطوط مل چکے ہیں۔

ذرائع کے مطابق جسٹس عائشہ ملک، جسٹس عرفان سعادت خان،جسٹس محمد علی مظہر اور جسٹس سید حسن اظہر رضوی کو آج خطوط موصول ہوئے۔

سپریم کورٹ کے جسٹس منیب اختر کو بھی آج مشکوک خط موصول ہوا، سپریم کورٹ کے مجموعی طور پر 10 ججز کو مشکوک خطوط مل چکے ہیں۔

تمام خط ایک ہی تاریخ کو ائے تھے۔ کچھ ججز کو تاخیر سے ملے ہیں۔