پنجاب بھر میں پیپلز پارٹی کی تنظیم سازی کے لیے نام شارٹ لسٹ کر لیے گئے

پیپلز پارٹی کی پنجاب بھر میں پارٹی کی ازسرنو تنظیم سازی کے لیے آصف علی زرداری نے عہدیداران کی فہرست طلب کر لی۔ وسطی پنجاب، سنٹرل پنجاب اور جنوبی پنجاب کے لیے عہدیداران کے  نام بھی شارٹ لسٹ کر لیے گئے، لاہور کی تمام تنظیم کے لئے بھی رہنماؤں کے نام شارٹ لسٹ کر لئے گئے۔تمام عہدوں کے لیے الگ الگ طور پر تین تین نام شارٹ لسٹ کئے گئے ہیں۔

ذرائع کا کہنا ہے کہ تمام عہدوں کے لیے الگ الگ طور پر تین تین نام شارٹ لسٹ کئے گئے ہیں،پنجاب کے صدور ۔جنرل سیکرٹری اور سینئر نائب صدور کے لیے الگ الگ فہرست تیار کی ہے۔

ذرائع نے بتایا کہ صدر لاہور کے لیے فیصل میر، ذوالفقار علی بدر اور بیرسٹر عامر حسن میں کسی ایک کے نام قرعہ نکلنے کا امکان ہے،تمام شارٹ لسٹ کئے گئے ناموں میں سے آصف علی زرداری عہدیداران کے نام فائنل کریں گے۔