قومی ٹیسٹ سکواڈ حارث رؤف کے ولیمہ کی تقریب میں شریک نہیں ہوگا

کرکٹر حارث روف کی ولیمہ تقریب میں قومی ٹیسٹ سکواڈ کے کھلاڑی شریک نہیں ہوسکیں گے۔

موسم کی بدلتی صورتحال کی وجہ سے ولیمہ میں شرکتن کی بجائے کولمبو روانگی کا فیصلہ کیا گیا،

کراچی میں لگایا گیا تربیتی کیمپ آج ختم ہوجائے گا۔ شیڈول کے مطابق پاکستان ٹیم براستہ دبئی کل کولمبو روانہ ہوگی۔

پی سی بی ذرائع کے مطابق  قومی کرکٹرز نے اپنے ساتھی حارث رؤف کی شادی میں شرکت کے لیے جمعہ کی شام اسلام آباد جانا تھا تاہم خراب موسم کی وجہ سے بیشتر کھلاڑیوں نے کراچی ہی میں ٹھہرنے کا فیصلہ کیا ہے۔

ذرائع کا کہنا ہے کہ قومی ٹیم کے بیشتر کھلاڑی کل سابق  ٹیسٹ کپتان شاہد خان آفریدی کی بڑی صاحبزادی اور فاسٹ بولر شاہین شاہ آفریدی کی سالی کی تقریب رخصتی میں شرکت کریں گے۔