ابھی تک انوکھے لاڈلے نواز شریف ہیں، خورشید شاہ

پیپلز پارٹی کے سینئر رہنما سید خورشید شاہ نے کہا ہے کہ ابھی تک انوکھے لاڈلے نوازشریف  ہی نظر آتے ہیں، پہلےسے کہتے تھے الیکشن کی تاریخ نوازشریف کیلئے روکی گئی ہے،ہم صحیح ہیں تو نوازشریف کو کہنا چاہئے میں آگیا ہوں اب الیکشن کا اعلان کریں۔

سکھر میں میڈیا سے بات کرتے ہوئے سید خورشید شاہ نے کہا کہ نوازشریف ریاست کو بچائیں،نوازشریف بہترین سیاست کریں،کسی کی مدد سے نہ آئیں، نوازشریف اچھی سیاست کریں ورنہ  گو نواز گو کے نعرے لگیں گے۔

سید خورشید شاہ نے کہا کہ پہلےسے کہتے تھے الیکشن کی تاریخ نوازشریف کیلئے روکی گئی ہے،ہم صحیح ہیں تو نوازشریف کو کہنا چاہئے میں آگیا ہوں اب الیکشن کا اعلان کریں،ابھی تک انوکھے اور لاڈلے نوازشریف  ہی نظر آتے ہیں،نوازشریف نے اگر چیئرمین پی ٹی آئی والا کردار اداکیا تو وہ بھی تاریخ میں مثال بن جائیں گے۔

سید خورشید شاہ نے کہا کہ پیپلز پارٹی جب بھی آئی ہے اپنےمنشور کو لے کر آئی ہے،سپریم کورٹ نے بہت سی چیزیں دیکھی ہوں گی ،عدالت بہت رسک لے رہی ہے،جن لوگوں نے اداروں کو جلایا کیا سویلین عدالتیں انہیں سزا دینے کے قابل ہوں گی؟

انہوں نے مزید کہا کہ ماضی کی بہت مثالیں ہیں عدالتوں نے کیس لینے سے انکار کردیا کہ ہم پر دباؤ ہے، دہشت گردوں کے کیسز بھی واپس کئےگئےتھے،سپریم کورٹ کا فیصلہ فائنل ہے۔