سول ایوی ایشن انتظامیہ اور ملازمین کے درمیان مذاکرات کامیاب، دھرنا مؤخر

سول ایوی ایشن اتھارٹی ہیڈ کوارٹرز میں ڈی جی کو ہٹانے اور تنخواہوں میں اضافے پر کے معاملے پر سی اے اے یونینز اور ڈپٹی ڈی جی کی صدارت میں انتظامیہ کے درمیان مذاکرات کامیاب ہوگئے۔

سی اے اے یونینز اور آفیسرز ایسوسی ایشن نے 12 ستمبر تک احتجاجی دھرنا مؤخر کرنے کا اعلان کر دیا ، تنخواہوں اور پنشن میں اضافے کا مطالبہ منظور کرلیا گیا۔

ذرائع کا کہنا ہے کہ اسسٹنٹ پیکج پر بھرتی ملازمین کو سینارٹی کے ساتھ مستقل کیا جائیگا جبکہ ریٹرنرشپ ملازمین کو بھی مستقل کیا جائے گا۔

ذرائع کا کہنا ہے کہ سی اے اے ملازمین کی فلاح و بہبود کے لیے سی اے اے فاونڈیشن بنانے کی تجویز دی گئی جبکہ ایڈہاک الاؤنس اور فیول الاؤنس کو بھی بڑھایا جائیگا۔

سی اے اے بورڈ اجلاس میں مطالبات حل نہ ہونے پر سی اے اے یونینز ڈی جی ہٹاؤ تحریک دوبارہ شروع کریگی ، ڈپٹی ڈی جی سی اے اے کی صدارت سی اے اے ڈائریکٹر ایچ آر نے سی اے اے یونینز عہدیداروں سے 6 گھنٹے مذاکرات کیے ۔

سی اے اے یونین رہنما رانا زاہد کا تبادلہ واپس کرنے پر بھی اتفاق ہوا جبکہ ورکنگ پیپر چیئرمین سی اے اے آفیسرز ایسوسی ایشن زرین گل درانی اور ایچ آر ڈائریکٹر تیار کرینگے ۔