سنچری نہ بنانے کا افسوس نہیں، ٹیم کی جیت کی خوشی ہے، عثمان خان

ملتان سلطانز کے بیٹر عثمان خان نے کہا ہے کہ سنچری نہ بنانے کا افسوس نہیں ٹیم جیت گئی ہے اس کی خوشی زیادہ ہے، پی ایس ایل میں گزشتہ برس بھی سنچری بنائی تھی،یو اے ای کی نیشنل ٹیم سے کھیلنا چاہتا ہوں، پی ایس ایل میں اوور سیز پلیئر کی حیثیت سے کھیل رہا ہوں۔

ملتان سلطانز کے بیٹر عثمان خان نے کراچی میں میڈیا سے گفتگو کرتے ہوئے کہا کہ چار سال سے متحدہ عرب امارات میں ہی کرکٹ کھیل رہا ہوں،کراچی کنگز کیخلاف کراچی میں جیتنے کی کوشش کریں گے، کنڈیشنز کے مطابق کھیلنے کی کوشش کرتا ہوں۔

عثمان خان نے کہا کہ محمد رضوان سے سیکھنے کی کوشش کرتا ہوں،محمد رضوان ہمیشہ حوصلہ افزائی کرتے ہیں،ساری زندگی کراچی میں اپنی کرکٹ کھیلی ہے، کراچی میں ابتدائی اوورز میں گینڈ زیادہ سوئنگ ہوتی ہے، میری کوشش ہوتی ہے کہ ہر ٹیم کیخلاف اچھی کارکردگی دکھاؤں۔