عید کے بعد پہلے کاروباری دن پر پاکستان سٹاک مارکیٹ میں ریکارڈ تیزی، انڈیکس 78 ہزار کی حد عبور کر گیا

پاکستان سٹاک مارکیٹ میں عید کی چھٹیوں کے بعد پہلے کاروباری روز زبردست تیزی دیکھنے میں آئی،نیا ریکارڈ قائم ہوگیا۔ہنڈرڈ انڈیکس تاریخ میں پہلی بار 78 ہزار کی سطح عبور کرگیا، 1531 سے زائد پوائنٹس  اضافے کے ساتھ 100 انڈیکس 78 ہزار 238 پوائنٹس کی تاریخی سطح پر پہنچ گیا۔

واضح رہے کہ عید کی تین روزہ تعطیلات کے بعد آج کاروبار کا پہلا دن ہے۔

دوسری جانب تبادلہ مارکیٹ میں پاکستانی روپیہ کے مقابلے میں ڈالر کی قدر میں اضافے کا رجحان عید تعطیلات کے بعد بھی برقرار ہے۔

کرنسی ڈیلرز کے مطابق انٹربینک میں ڈالر کی قدر میں9 پیسے کا اضافہ ہوگیا، جس سے انٹربینک میں ڈالر278 روپے 60 پیسے کا ہوگیا۔