ایئرپورٹس کی آؤٹ سورسنگ، سول ایوی ایشن ملازمین کی آپریشنز بند کرنے کی دھمکی

سول ایوی ایشن ملازمین نے ملک بھر میں ہوائی اڈوں کی آؤٹ سورسنگ کے خلاف بڑے احتجاج کا اعلان کر دیا۔

سول ایسوسی ایشن ملازمین کا کہنا ہے کہ وہ آؤٹ سورسنگ کے خلاف عدالت سمیت ہر جگہ قانونی جنگ لڑیں گے۔آؤٹ سورسنگ کا عمل نہ روکا گیا تو آپریشن بند کرنے سمیت تمام آپشن۔ استعمال کریں گے۔

کراچی کے جناح انٹرنیشنل ایئر پورٹ پر سول ایوی ایشن ملازمین کا احتجاج کا سلسلہ جاری ہے،ملازمین نے بازوں پر سیاہ پٹیاں باندھ کر حکومت کے خلاف نعرے بازی کی ۔

احتجاجی ملازمین نے ایئرپورٹ آمد لاونج سے احتجاجی ریلی نکالی ۔احتجاج کے موقع پر خطاب کرتے ہوئے سیکریٹری جنرل یونین آف سول ایوی ایشن سمیع اللہ نے کہا کہ ڈی جی سول ایوی نے ادارے کو تباہ کردیا ہے۔

انہوں نے کہا کہ آؤٹ سورسنگ نے خلاف عدالت سمیت ہر قانونی جنگ لڑیں گےانہوں نے مزید کہا کہ ادارے کی آؤٹ سورسنگ سے کوئ خاص رقم نہیں مل رہی ہے ۔سول ایوی ایشن نے گزشتہ سال 150 ارب روپے کمائے ۔جبکہ ادارے کا پوٹینشل 500 ارب روپے ہے