نیشنل ڈیفنس یونیورسٹی میں علاقائی استحکام پر پاک برطانیہ کانفرنس، برطانوی چیف آف جنرل سٹاف کی شرکت

نیشنل ڈیفنس یونیورسٹی میں علاقائی استحکام پر پاک برطانیہ کانفرنس ہوئی ، آئی ایس پی آر کے مطابق آرمی چیف جنرل سیدعاصم منیر  نے کانفرنس سے کلیدی خطاب  کیا۔ کانفرنس کے موقع پر آرمی چیف کی برطانوی موجودہ اور نامزد چیف آف جنرل سٹاف سے ملاقاتیں  ہوئیں۔ ملاقات میں پیشہ ورانہ دلچسپی کے امور اور دوطرفہ دفاعی تعلقات کو مزید فروغ دینے کے امور پر تبادلہ خیال  کیا گیا۔

آئی ایس پی آر کے مطابق برطانوی چیف آف جنرل اسٹاف جنرل سر پیٹرک سینٹدرز نے بھی کانفرنس سے خطاب کیا۔نامزد برطانوی چیف  آف جنرل اسٹاف رولنڈ والکر موجود تھے۔

آئی ایس پی آر کا کہنا ہے کہ پاکستان، برطانیہ اسٹیبلائزیشن کانفرنس دونوں ممالک کے درمیان ایک اہم دفاعی اور سیکورٹی ڈائیلاگ ہے،پاکستان، برطانیہ اسٹیبلائزیشن کانفرنس باری باری پاکستان اور برطانیہ میں منعقد ہوتی ہے۔

کانفرنس میں مختلف شعبوں کے ماہرین، دفاعی حکام، دانشوروں اور سول سوسائٹی کے نمائندوں نے شرکت کی۔کانفرنس میں شرکت کیلئے برطانیہ کا 30 رکنی وفد 29 اپریل سے 3 مئی 2024 تک پاکستان کا دورہ کر رہا ہے۔

برطانوی وفد کی قیادت اسٹینڈنگ جوائنٹ فورس کمانڈر میجر جنرل ٹام بیٹ مین کر رہے ہیں، کانفرنس کے دوران عالمی ، علاقائی امور سمیت قومی سلامتی اور علاقائی امن و استحکام پر اثرات پر بات کریں گے۔

کانفرنس کے موقع پر آرمی چیف کی برطانوی موجودہ اور نامزد چیف آف جنرل سٹاف سے ملاقاتیں ہوئیں،ملاقات میں پیشہ ورانہ دلچسپی کے امور اور دوطرفہ دفاعی تعلقات کو مزید فروغ دینے کے امور پر تبادلہ خیال کیا گیا۔

آرمی چیف نے دو طرفہ فوجی تعلقات کو بڑھانے میں جنرل پیٹرک سینڈرز کی خدمات پر شکریہ ادا کیا،آرمی چیف نے نامزد چیف آف جنرل سٹاف جنرل رولینڈ واکر کو نامزدگی پر مبارکباد دی۔