پی سی بی نے چیف سلیکٹر انضمام الحق کا استعفیٰ قبول کر لیا

پاکستان کرکٹ بورڈ نےسابق کپتان انضمام الحق کا چیف سلیکٹر کے عہدے سے استعفیٰ منظور کر لیا۔انضمام الحق نے قومی مینز سلیکشن کمیٹی اور جونیئر سلیکشن کمیٹی کے سربراہ کے عہدے سے استعفیٰ 30 اکتوبر کودیا تھا۔

 سابق کپتان انضمام الحق کو 7 اگست 2023 کو قومی مینز سلیکشن کمیٹی کا چیف سلیکٹر مقرر کیا گیا تھا اور گزشتہ ماہ کے شروع میں انہیں جونیئر مینز سلیکشن کمیٹی کا چیئرمین بھی مقرر کیا گیا تھا۔

پاکستان کرکٹ بورڈ نے سابق چیف سلیکٹر انضمام الحق کا استعفی قبول کر لیا ۔انضمام الحق نے مفادات کے ٹکرائو کے باعث اپنے عہدے سے استعفیٰ دیا تھا۔

پاکستان کرکٹ بورڈ نے انضمام الحق کے معاملے پر ایک انکوائری کمیشن بھی بنا رکھا ہے،انضمام الحق نے ایک نجی ٹی وی چینل پر انٹرویو دیتے ہوئے پاکستان کرکٹ بورڈ پر کئی الزامات بھی لگائے تھے۔

پاکستان کرکٹ بورڈ کی فیکٹ فائنڈنگ کمیٹی انضمام الحق پر لگے الزامات پر تحقیقات کر رہی ہے۔