پی سی بی سنٹرل کنٹریکٹس اگلے ہفتے فائنل کئے جانے کا امکان، 4 کھلاڑیوں کی تنزلی متوقع ہے، ذرائع

پی سی بی سینٹرل کنٹریکٹس 2025-2024 آئندہ ہفتے فائنل کیے جانے کا امکان ہے۔ چئیرمین پی سی بی محسن نقوی نے سیلیکشن کمیٹی اور کوچز سے مشاورت کرلی، چئیرمین کی ہدایت پر طریقے کار بھی فائنل کرلیا گیا، سابق کپتان وقار یونس بھی سینٹرل کنٹریکٹ کیلئے منتخب کردہ کھلاڑیوں کا جائزہ لیں گے، نئے سینیٹرل کنٹریکٹس فٹنس اور کارکردگی سے مشروط ہیں، نئے سینٹرل کنٹریکٹ میں تین سے چار کھلاڑیوں کی تنزلی کا امکان موجود ہے،شاداب خان، حارث روف، محمد نواز کو بی سے سی کیٹیگری میں تنزلی کا امکان ہے۔

پی سی بی ذرائع نے بتایا کہ نئے سینیٹرل کنٹریکٹس فٹنس اور کارکردگی سے مشروط ہیں،نئے سینٹرل کنٹریکٹ میں تین سے چار کھلاڑیوں کی تنزلی کا امکان موجود ہے۔

ذرائع نے کہا کہ شاداب خان، حارث روف، محمد نواز کو بی سے سی کیٹیگری میں تنزلی کا امکان ہے جبکہ نسیم شاہ کی بی سے اے کیٹیگری میں ترقی طے ہے۔

ذرائع نے بتایا کہ افتخار احمد، عماد وسیم، فہیم اشرف اور حسن علی کے سینٹرل کنٹریکٹس میں بھی نظرثانی ہوگی، موجودہ سینیٹرل کنٹریکٹس میں اے کیٹیگری میں شامل کھلاڑی کی آمدنی میں گزشتہ برس 202 فیصد اضافہ کیا گیا تھا۔

بی کیٹیگری کنٹریکٹس میں 144 فیصد، سی کیٹیگری میں 135 فیصد اور ڈی کیٹیگری میں 127 فیصد اضافہ کیا گیا تھا۔