پشاور: گھر میں گھس کر فائرنگ، خواتین اور بچوں سمیت 10 افراد قتل

پشاور کے علاقہ بڈھ بیر میں مخالفین نے گھر میں گھس کر فائرنگ کردی جس کے نتیجے میں 10 افراد موقع پر جاں بحق جبکہ 2 زخمی ہوگئے ہیں،، جاں بحق افراد میں 4 خواتین اور 5بچے شامل ہیں۔ملزمان فائرنگ کرنے کے بعد فرارہوگئے۔

ایس ایس پی کاشف ذوالفقارکا کہنا ہے کہ ملزمان اور مقتولین اپس میں رشتہ دار ہیں،فریقین کے درمیان جائیداد یا اور کوئی تنازعہ ہے؟ تفتیش کے بعد پتہ چلے گا۔

ایس ایس پی آپریشنز کے مطابق ملزمان کو جلد گرفتار کرنے کی کوشش کر رہے ہیں۔ ملزمان کی گرفتار کےلیے 2 ٹیمیں تشکیل دے دی گئی ہیں۔

پولیس کے مطابق لاشوں کو پوسٹ مارٹم کےلیے اسپتال منتقل کردیا گیا ہے۔ فائرنگ کی جگہ سے گولیوں کے خول اور دیگر شواہد اکٹھے کرلیے گئے ہیں۔