پی آئی اے کا بعد از حج آپریشن، 4 پروازوں سے 1523 حاجی وطن واپس پہنچ گئے

پی آئی اے کے بعد از حج آپریشن کے تحت 4 حج پروازیں اسلام آباد،لاہور،کراچی اور پشاور پہنچیں،مجموعی طور پر 1523 حجاج کرام پاکستان پہنچے۔

ترجمان پی آئی اے کے مطابق قومی ائیرلائن کی پرواز پی کے 832 چارسو بتیس مسافروں کولے کر آج دوپہر 3 بجکر20 منٹ پر کراچی پہنچی،گورنر سندھ کامران ٹیسوری نے حجاج کرام کا استقبال کیا۔

پی کے 760 تین سو تیئس مسافروں کے ہمراہ دوپہر 3 بجکر 05 منٹ پر لاہور پہنچی، پی آئی اے اور سول ایوی ایشن کی ائیرپورٹ انتظامیہ نے ان کا استقبال کیا،پی کے 762 تین سو بانوے مسافروں کےساتھ اسلام آباد پہنچیں، وزیر مذہبی امور سینیٹر طلحہ مسافروں کے ہمراہ جدہ سے تشریف لائے،انھوں نے خود مسافروں کا پاکستان میں استقبال کیا۔

پی کے 740 دو سو چہترمسافروں کے ہمراہ کچھ دیر میں پشاور پہنچی گی،باچا خان ائیرپورٹ انتظامیہ نے حجاج کرام کا استقبال کیا۔