پنجاب کے نجی و سرکاری سکول چار دن بند رہیں گے

پنجاب میں آشوب چشم کے مریضوں کی تعداد میں غیرمعمولی اضافے کی وجہ سے نگران حکومت نے بڑا اقدام کیا ہے اور چار دن کے لیے پنجاب کے نجی و سرکاری سکول بند رکھنے کا اعلان کیا ہے۔

نجی اور سرکاری اسکولوں میں جمعرات اور ہفتہ کو چھٹی کا اعلان کیا گیا ہے جبکہ جمعہ کے روز عید میلاد النبیﷺ کی مناسبت سے عام تعطیل ہوگی۔

اتوار کی ہفتہ وار چھٹی کے بعد سوموار کو دوبارہ اسکول کھلیں گے، حکومت نے کہا ہے کہ سوموار کی صبح تمام اسکولوں کے باہر بچوں کو داخلے کے وقت اساتذہ چیک  کریں گے،جن بچوں میں آشوب چشم کی شکایت ہوئی ان کو واپس گھروں کو بھیج دیا جائے۔

نگران وزیر اعلیٰ محسن نقوی نے کہا ہے کہ چھٹیوں کا اطلاق پورے صوبے میں ہوگا۔

نگران وزیر اعلی پنجاب محسن نقوی نے گورنمنٹ گرلز ہائی سکول راوی روڈ کا اچانک دورہ بھی کیا،حکومتی ہدایات کے برعکس آشوب چشم کے شکار طلبہ و طالبات سکولوں میں حاضر پائے گئے۔

نگران وزیراعلیٰ نے اس پر شدید برہمی کا اظہار کیا،وزیر اعلی نے سیکرٹری سکول کو فوری طور پر سکول طلب کیا۔

اس موقع پر وزیر اعلی نے پرائیویٹ اور سرکاری سکولوں میں کل جمعرات سے ہفتہ تک چھٹی دینے کی ہدایت کی،طالبات نے سکول میں روشنی اور پنکھے کم ہونے کی شکایت کی۔