ماحولیات کی حفاظت، عرب امارات کے کراچی قونصلیٹ نے پلاسٹک کی بوتلوں کا استعمال ترک کردیا

کراچی میں قائم متحدہ عرب امارات کے قونصلیٹ نے ماحولیاتی تحفظ کے لیے ماہانہ 10 ہزارپلاسٹک کی بوتلوں کا استعمال ترک کردیا۔

متحدہ عرب امارات قونصلیٹ کراچی کا ماحولیاتی حفاظت کیلٸے ایک اور اہم اقدام/قونصل جنرل کراچی کی ہدایت پر ماہانہ 10,000 پلاسٹک کی بوتلوں کا استعمال ترک کردیا گیا۔

یو اے ای قونصل جنرل کراچی کا کہنا ہے کہ Cop 28 کی قیادت صرف اعزاز ہی نہیں بلکہ دنیا کی جانب سے اک سرکردہ لیڈر کی طرح ذمہ دارانہ اقدامات کرنا بھی ہمارا فرض ہے،نوجوان نسل میں شجر کاری کی اہمیت اجاگر کرکے موسمیاتی تبدیلیوں کا مقابلہ کرنا ہماری اوّلین ترجیح ہے،ہمیں اپنی آنے والی نسلوں کی بقا کیلٸے اپنی موجودہ نسل کو ان کی ماحولیاتی و موسمیاتی حفاظت کی ذمّہ داریوں کا شعور دینا ہے۔

ڈاکٹر بخیت عتیق الرومیتی کا کہنا ہے کہ، ہمارا یہ پیغام نسلِ انسانی کی بقا کیلٸے ہے، تو آٸیے اور اپنی دنیا کی حفاظت کیلٸے ہمارے قدم سے قدم ملائیے۔