پی ٹی آئی کا جماعت اسلامی سے رابطہ، کے پی میں آزاد امیدواروں کی شمولیت کے امکانات پر مشاورت

خیبرپختونخوا میں حکومت سازی کے لئے پی ٹی آئی نے جماعت اسلامی سے رابطہ کر لیا، حکومت سازی کےلئے خیبرپختونخوا میں آزاد اراکین کی جماعت اسلامی میں شمولیت و مشترکہ حکومت بنانے پر بات چیت ہوئی، جماعت اسلامی نے پی ٹی آئی قیادت کے رابطہ کی تصدیق کر دی۔

جماعت اسلامی کے سیاسی امور کے نگران و امیر جماعت اسلامی پشاور بحراللہ خان ایڈووکیٹ نے بتایا کہ پی ٹی ائی کے بیرسٹر سیف اور میرا رابطہ ہوا ہے، تحریک انصاف کی مرکزی قیادت سے پہلے باضابطہ رابطہ کی تصدیق کرتا ہوں۔

بحر اللہ خان ایڈووکیٹ نے کہا کہ پی ٹی آئی قیادت کے ساتھ حکومت سازی کےلئے خیبرپختونخوا میں آزاد اراکین کی جماعت اسلامی میں شمولیت و مشترکہ حکومت بنانے سمیت تمام امور پر بات چیت ہوئی ہے