آج پنجاب، خیبر پختونخوا کے کئی اضلاع میں گرج چمک کے ساتھ بارش متوقع

محکمہ موسمیات نے آج پنجاب اور پختونخوا کے کئی اضلاع میں گرج چمک کے ساتھ بارش کی پیشگوئی کی ہے۔

محکمہ موسمیات کا کہنا ہے کہ اسلام آباد میں آج آندھی اور گرج چمک کے ساتھ بارش متوقع ہے، خیبرپختونخوا میں چترال، دیر، سوات، کوہستان میں بادل برسیں گے۔ مانسہرہ،ایبٹ آباد،بالاکوٹ،چارسدہ ، مردان،پشاور میں گرج چمک کے ساتھ بارش کی توقع ہے۔

محکمہ موسمیات کے مطابق کوہاٹ ،کرم، بنوں، وزیرستان اورڈی آئی خان میں آندھی اور گرج چمک کے ساتھ بارش ہوگی۔، اس دوران خیبرپختونخوا میں چندمقامات پر موسلا دھار بارش متوقع ہے، مری، گلیات ،راولپنڈی،جہلم،اٹک میں بھی بادل برسنے کا امکان ہے۔

محکمہ موسمیات کا کہنا ہے کہ چکوال،سرگودھا،میانوالی،فیصل آباد،جھنگ ، ٹوبہ ٹیک سنگھ بہاولنگر میں آج بارش ہوگی۔، نارووال، سیالکوٹ،ساہیوال، گوجرانوالہ ، گجرات، منڈی بہاؤالدین،حافظ آباد اورلاہور میں آندھی اورگرج چمک کے ساتھ بارش متوقع ہے۔

 پنجاب کے دیگر اضلاع میں موسم شدید گرم اور مرطوب رہے گا۔بلوچستان کےبیشتر اضلاع میں موسم گرم اور مرطوب رہے گا۔ بعد از دوپہرقلات،خضدار،ژوب  اور بارکھان میں  چند مقامات پر  آندھی اور بارش کا امکان ہے۔

محکمہ موسمیات کا کہنا ہے کہ سندھ کےبیشتر اضلاع میں موسم شدیدگرم اور مرطوب رہے گا۔آزاد کشمیر اور گلگت بلتستان   میں گرج چمک کےساتھ بارش کا امکان ہے۔آزاد کشمیر مٰیں چندمقامات پر موسلا دھار بارش متوقع ہے۔