رؤف حسن کے دائیں گال پر گہرا زخم آیا ہے، آدھے انچ سے شہ رگ بچ گئی، بیرسٹر گوہر

چئیرمین پی ٹی آئی بیرسٹر گوہر نے کہا ہے میں ہسپتال کی ایمرجنسی میں آیا ہوں، رائوف حسن کو دائیں گال پر گہرا زخم آیا ہے۔۔ ایسا لگ رہا ہے کہ ان کی زندگی لینے کے لئے اٹیک کیا گیا ہے۔آدھے انچ سے ان کی شہ رگ بچ گئی ہے۔

بیرسٹر گوہر نے کہا اللہ نے ان کو دوسری زندگی دی ہے، ایک بات میں واضح کرنا چاہتا ہوں کہ وہ اس ملک کی سب سے بڑی جماعت کے ترجمان ہیں، وہ ہمارے سابقہ چیف الیکشنر کمشنر ہیں۔ ان کی کبھی کسی کے ساتھ کوئی دشمنی نہیں رہی ، اس نے کبھی زندگی میں ایسا کام نہیں کیا کہ اس پر کوئی اٹیک کیا جائے۔

بیرسٹر گوہر نے کہا ہم مطالبہ کرتے ہیں کہ رائوف حسن پر جو اٹیک ہوا ہے اس کی پوری جانچ پڑتال کی جائے۔