بیرون ملک سفر کے لیے ہیلتھ ڈیکلریشن فارم کی شرط ختم

بارڈر ہیلتھ سروسز نے ملکی ہوائی اڈوں پر بیرون ملک روانہ ہونے والے مسافروں کے لیے ہیلتھ ڈیکلریشن فارم کی شرط ختم کردی۔

ہیلتھ ڈیکلئیریشن کی پابندی ختم کرنے سے متعلق ڈائریکٹر بارڈر ہیلتھ ڈاکٹر سید غلام مرتضیٰ شاہ کے زیردستخطی نوٹیفکیشن جاری کردیاگیا،جس کے مطابق ائیرلائنز کی جانب سے بین الاقوامی مسافروں کو ہیلتھ ڈیکلریشن فارم کی تقسیم کی پریکٹس/پالیسی فوری طور سے بند کردی جائے۔

پاکستان میں فضائی آپریشن کی حامل تمام بین الاقوامی اور ملکی ایئر لائنز کے اسٹیشن منیجرزنئی ہدایات پر عمل کروائیں، کراچی،لاہور،اسلام آباد ائیرپورٹ سمیت ملک کے تمام ہوائی اڈوں  کے ہیلتھ آفیسر،معاون ہیلتھ  آفیسرز کو ہدایات جاری کردی گئیں۔