سلام ایئر کی پہلی پرواز کی پشاور ایئرپورٹ پر لینڈنگ

سلام ائیر کی فلائٹ پہلی مرتبہ پشاور کے باچا خان انٹرنیشنل ائرپورٹ پرلینڈ کرگئی۔

ترجمان سی اے اے کے مطابق سلام ائیر کی مسقط سے پشاور پہلی پرواز صبح 3 بجکر 13 منٹ پر پہنچی،پشاور پہنچنے پر افتتاحی فلائٹ کو ٹیکسی وے پر فائر ٹینڈرز نے روایتی واٹر سلوٹ پیش کیا۔

سلام ائیر کے منیجنگ ڈائریکٹر اور ڈائریکٹر آپریشنز بھی اسی فلیٹ سے پشاور پہنچے،اس موقع پر سلام ایئر گروپ اور مینزیز-رائل ائرپورٹ سروسز (ایم-ار اے ایس) کےاعلی عہدیداران موجود تھے۔

سلام ائیر نے ہفتہ میں دو مرتبہ پیر اور جمعرات کو مسقط سے پشاور فلائیٹس شروع کی ہیں،(ایم-ار اے ایس) اور سلام ایئر کی جانب سے سی آئی پی لاؤنج میں ایک مختصر تقریب کا اہتمام بھی کیا گیا۔

تقریب میں ڈپٹی اے پی ایم، ڈیوٹی ٹرمینل مینیجر (ڈی ٹی ایم) اور ائیرپورٹ سروسز ٹیم نے سول ایویشن کی نمائندگی کی۔