سیشن عدالت توشہ خانہ کیس کے قابل سماعت ہونے پر دوبارہ فیصلہ کرے، اسلام آباد ہائیکورٹ

سلام آباد ہائیکورٹ نے توشہ خانہ کیس سے متعلق چیئرمین پی ٹی  آئی کی پانچ درخواستوں پر فیصلہ سنا دیا۔ اسلام آباد ہائی کورٹ کے چیف جسٹس عامر فاروق نے محفوظ فیصلہ سنایا ۔

 اسلام آباد ہائیکورٹ نے توشہ خانہ فوجداری کارروائی کیس قابل سماعت قرار دینے کا سیشن کورٹ کا فیصلہ کالعدم قرار دیدیا۔

عدالت نے کیس قابل سماعت ہونے یا نہ ہونے سے متعلق معاملہ واپس ٹرائل کورٹ کو بھجوا دیا۔

اسلام آباد ہائیکورٹ نے حکم دیا کہ اس سے متعلق درخواست کو دوبارہ سن کر اس پر فیصلہ کیا جائے۔

اسلام آباد ہائیکورٹ نے توشہ خانہ کیس دوسری عدالت کو منتقل کر نے کی درخواست   مسترد کر دی، حق دفاع بحال کرنے سے متعلق  درخواست پر عدالت نے نوٹس جاری کرتے ہوئے فریقین سے جواب طلب کرلیا ۔

جج کی فیس بک پوسٹ  سے متعلق درخواست پر عدالت نے ایف آئی اے کو تحقیقات کا حکم دیتے ہوئے دس روز رپورٹ پیش کرنے کی ہدایت کی ہے ۔