شاہ محمود قریشی کو لاہور پولیس نے 9 مئی کےمزید 8 مقدمات میں گرفتار کر لیا

لاہور پولیس نے اڈیالہ جیل میں قید پاکستان تحریک انصاف کے وائس چیئرمین شاہ محمود قریشی کو 9 مئی کے مزید 8 مقدمات میں گرفتار کرلیا۔

لاہور پولیس نے اڈیالہ جیل میں قید شاہ محمود قریشی کو 9 مئی کے مزید 8 مقدمات میں گرفتار کر لیا۔پولیس اڈیالہ جیل میں ہی تحریک انصاف کے رہنما سے تفتیش کرے گی۔

پولیس نے شاہ محمود قریشی سے جیل میں تفتیش کے لیے عدالت میں درخواست دائر کی تھی جس پر لاہور کی انسداد دہشت گردی کی نے پولیس کو 9 مئی کے مقدمے میں تحریک انصاف کے رہنما سے تفتیش کی اجازت دے دی۔

لاہور پولیس کی خصوصی ٹیم شاہ محمود قریشی کو گرفتار کرنے اڈیالہ جیل پہنچی اور تفتیشی ٹیم نے عدالت سے ملزم شاہ محمود قریشی کو لاہور منتقل کرنے کی اجازت مانگی لیکن عدالت نے سیکیورٹی خدشات کے باعث شاہ محمود کو لاہور منتقل کرنے سے منع کردیا۔

تفتیشی ٹیم کی استدعا پر معزز جج نے شاہ محمود قریشی کا 3 روزہ جسمانی ریمانڈ منظور کر لیا۔

بعد ازاں لاہورپولیس کی ٹیم نے ملزم شاہ محمود قریشی سےاڈیالہ جیل میں ہی بیان ریکارڈ کیا۔

شاہ محمود قریشی ویڈیو لنک کےذریعے انسداد دہشت گردی کی عدالت میں پیش ہوں گے۔

واضح رہے کہ شاہ محمود قریشی اس وقت اڈیالہ جیل میں قید ہیں اور انہیں سائفر کیس میں سزا سنائی جاچکی ہے۔

شاہ محمود قریشی کوعمران خان کی گرفتاری کے بعد ’پر تشدد مظاہروں کو ہوا دینے‘ کے الزام میں گزشتہ سال 10 مئی کو رات گئے اسلام آباد پولیس نے گرفتار کیا تھا۔