شاہ رخ خان کا مداح کو دلچسپ جواب

بالی ووڈ کنگ شاہ رخ خان نے اپنی فلموں کی تشہیری مہم پر تنقید کرنے والے مداح کو دلچسپ جواب دیا۔

شاہ رخ خان پچھلے کچھ عرصے سے اکثر ہی سوشل میڈیا ویب سائٹ ایکس پر اپنے مداحوں کی جانب سے پوچھے گئے سوالات کے دلچسپ جوابات دیتے نظر آتے ہیں۔

تیسری فلم’ڈنکی‘ کی ریلیز کے بعد جب مداحوں سے بات چیت کرنے کے لیے ایک سیشن رکھا تو ایک مداح نے ان کی فلم’جوان‘ اور ’ڈنکی‘ تشہیری مہم پر تنقید کرتے ہوئے لکھا کہ سر، ہم نے ’جوان‘ اور ’ڈنکی‘ کی بدترین تشہیری مہم دیکھی ہے۔

مداح نے مزید لکھا کہ براہ کرم، اپنے پروڈکشن ہاؤس میں کچھ ہنر مند ملازمین کی خدمات حاصل کریں۔

شاہ رخ خان نے اپنے مداح کی اس بات کا دلچسپ انداز میں جواب دیتے ہوئے لکھا کہ ’اپنی فلموں کی تشہیر میں خود ہی کرتا ہوں تو اب اپنے آپ کو خود ہی نوکری سے کیسے نکال دوں۔

Main hi marketing karta hoon. How to fire myself!! #Dunki https://t.co/MTYlYfs6fV

— Shah Rukh Khan (@iamsrk) December 27, 2023

 واضح رہے کہ شاہ رخ خان کی حال ہی میں ریلیز ہونے والی  رواں سال کی تیسری فلم’ڈنکی‘ بھی 100 کروڑ کلب کا حصّہ بن گئی ہے۔

اس فلم نے اب تک دنیا بھر سے باکس آفس پر تقریباََ 300 کروڑ کا بزنس کرلیا ہے۔

 راجکمار ہیرانی کی ہدایتکاری میں بننے والی فلم ’ڈنکی‘ میں شاہ رخ خان کے ساتھ تاپسی پنوں، وکی کوشل، بومن ایرانی اور دیگر نے نمایاں کردار ادا کیا ہے۔