شعیب شاہین اور علی بخاری نے این اے 47 اور 48 کے انتخابی نتائج چیلنج کر دیئے

این اے 47 اور 48 کے انتخابی نتائج کواسلام آباد ہائی کورٹ میں چیلنج کر دیا گیا ۔ شعیب شاہین نے این اے 47 کا آر او کا فیصلہ اسلام آباد ہائی کورٹ میں چیلنج کیا ہے۔۔۔علی بخاری نے بھی این اے 48 کا آر او کا فیصلہ چیلنج  کیا ہے۔

شعیب شاہین نے اسلام آباد ہائیکورٹ میں میڈیا سے گفتگو میں کہا آج میں نے اور علی بخاری نے درخواست دائر کر دی ہے، رجسٹرار آفس سے ہم نے آج ہی سماعت مقرر کرنے کی استدعا کی ہے، ہماری درخواست ہے چیف جسٹس سے کہ اس کیس کو فوری سنا جائے، ہمارے پاس فارم 47 موجود ہے،ہم بھاری اکثریت سے یہ الیکشن جیتے ہیں۔

علی بخاری نے اسلام آباد ہائی کورٹ میں میڈیا سے گفتگو میں کہا کہ فارم 45 سارے موجود ہیں، ہمیں دھاندلی سے ہرایا گیا۔53 ہزار کی لیڈ سے جیت رہے تھے، دھاندلی ہوئی، یہ  چوری ہوئی ڈاکہ پڑا، آر او کے خلاف بھی ایف آئی آر ہوگی اور جوڈیشل انکوائری ہوگی۔