پنجاب کی جیلوں میں اسیروں اور ملازمین کو گومی کی شدت سے بچانے کے لیے خصوصی انتظامات کی ہدایت

پنجاب کی جیلوں میں گرمی کی شدت اور لو سے بچنے کے لیے قیدیوں اور جیل ملازمین کے لیے ضروری ہدایات جاری کردی گئیں۔اسیران کے لیے پنجاب کی جیلوں میں واٹر کولر چلر کچی لسی اور لیمن پانی کا انتظام کیا گیا ہے۔

آئی جی جیل خانہ جات کی طرف سے بھجوائے گئے مراسلے میں کہا گیا ہے کہ جیل کے رولز 765اور 769 کے مطابق جیلوں میں صاف اور ٹھنڈے پانی کی فراہمی ضروری ہے،جیل رولز 977کو مد نظر رکھتے ہوئے  اسیران کو دن میں زیادہ سے زیادہ نہانے کی ہدایات کی گئی ہیں۔

مراسلہ میں کہا گیا کہ ہر جیل میں ہیٹ سٹروک روم کا قیام عمل میں لایا جائے،ہیٹ سٹروک روم میں آئس باکس اور آئس ہمہ وقت مناسب مقدار میں موجود ہونی چاہیے۔

مراسلہ میں کہا گیا کہ بچوں اور خواتین کےلیے کچی لسی لیمن پانی کا انتظام ہونا چاہیے،صفائی ستھرائی کا مناسب انتظام  کیا جائے۔ تمام ہدایات 31اگست تک نافذ العمل ہوں گی۔