دنیا
سری لنکا نے قابل ادا غیرملکی قرضوں میں 30 فیصد کمی کا مطالبہ کردیا
سری لنکا نے اپنے بھاری قرضوں سے نمٹنے کے لیے غیرملکی قرض دہندگان کو قرضوں میں 30 فیصد کمی کے لیے کہا ہے جبکہ اندرونی قرض دہندگان جن کے قرضے ڈالرز میں ہیں ان سے بھی قرضوں میں 30 فیصد کٹ لگانے کو کہا ہے۔
سری لنکا نے 42 ارب ڈالر قرضوں کی اوورہالنگ کا پروگرام پیش کیا ہے جو سری لنکا کے مرکزی بینک کے گورنر نندلال ویرسنگھے نے ایک پریس کانفرنس میں پیش کیا۔ سری لنکا مختصر مدتی بانڈز کو طویل مدتی بانڈز میں بھی تبدیل کرے گا۔
سری لنکا بدترین معاشی بحران سے دوچار ہے، سری لنکا نے پچھلے سال اپنے پہلے غیرملکی قرضے پر ڈیفالٹ کیا تھا،اس معاشی بحران کے نتیجے میں بڑے پیمانے پر عوامی مظاہرے ہوئے اور سابق صدر گوٹابایا راجا پکسے کو ملک چھوڑ کر فرار ہونا پڑا تھا۔
سری لنکا نے اپنے قرضوں کے بوجھ کو مستحکم رستے پر لانے کے وعدے کے ساتھ اس سال مارچ میں آئی ایم ایف سے 2.5 ارب ڈالر کا بیل آؤٹ پروگرام لیا جس کا پہلا جائزہ اس سال ستمبر میں ہونا ہے۔ سری لنکا نے 2032 تک اپنے قرضے جی ڈی پی کے 95 فیصد تک لانے کا وعدہ کیا ہے۔
سری لنکا اپنے بیرونی قرضوں کے حوالے سے بانڈ ہولڈرز اور چین، جاپان اور بھارت کے ساتھ بھی مذاکرات کر رہا ہے۔
قرضوں کے نئے سرے سے بندوبست کے تحت مقامی قرضے اور بانڈز ہولڈرز کو تین آپشن دئیے جائیں گے،پہلا آپشن قرضوں میں 30 فیصد کمی اور سالانہ 4 فیصد سود کے ساتھ ادائیگی ہے۔
سری لنکا انٹرنیشنل ساورن بانڈز کی مد میں 12.5 ارب ڈالرز، دوطرفہ قرضوں کی مد میں 11.3 ارب ڈالر کا مقروض ہے۔
سری لنکا اپنے قرض دہندگان کے ساتھ ری سٹرکچرنگ کے لیے مذاکرات کر رہا ہے، چین چاہتا ہے کہ کچھ قرضے کثیرملکی ادارے برداشت کریں لیکن امریکا اس کی مزاحمت کر رہا ہے۔
اندرونی قرضوں کے متعلق تجاویز ہفتے کے روز پارلیمنٹ میں پیش کی جائیں گی، ورلڈ بینک نے سری لنککا کی بجٹ سپورٹ اور ویلفیئر کی مد میں 700 ملین ڈالرز کی منظوری دی ہے جو آئی ایم ایف کے ساتھ معاہدے کے دوسری بڑی امدادی رقم ہے۔
-
کھیل12 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل1 سال ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین5 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
پاکستان5 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
ٹاپ سٹوریز5 مہینے ago
اسحاق ڈار سے امریکی سفیر کی ملاقات، سکیورٹی اور اقتصادی تعاون سمیت دو طرفہ امور پر تبادلہ خیال
-
پاکستان6 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی