لاہور ہائیکورٹ کے ججوں کو مشکوک خطوط اسلام آباد سے بھجوائے گئے

لاہور ہائیکورٹ کے ججز کو پاؤڈر بھرے خطوط اسلام آباد سے بھجوائے جانے کا انکشاف ہوا ہے، سی ٹی ڈی پنجاب نے اسلام آباد کے کاؤنٹرٹیرارزم ڈیپارٹمنٹ سے تحقیقات میں مدد مانگ لی۔

ذرائع کا کہنا ہے کہ لاہور ہائیکورٹ کے ججزکو اسلام آباد کے سیکٹر آئی ٹین فور کے ڈاکخانے سے لفافے بھجوائے گئے۔

ذرائع نے بتایا کہ اسلام آباد اور پنجاب سی ٹی ڈی  ججز کو خطوط بھیجوانے کے معاملے میں ایک دوسرے کی معاونت کریں گے۔

آئی ٹین فور سیٹیلائٹ کے سامنے ہے جہاں سے اسلام آباد ہائیکورٹ اور سپریم کورٹ کے ججز کو خطوط بھجوائے گئے تھے۔

سیٹلائٹ ٹاؤن پنجاب اور آئی ٹین فور اسلام باد کی حدود میں واقع ہیں۔